Am Freidog giud's

EHC gega Mannheim und zwoa oide Freind

+
Der Buchwieser Martin (l.) kimmt im Adler-Trikot zruck nach Minga.

Minga - Am Freidog kemman de Adler Mannheim und bringan des friarare Mingara Sturmduo Buchwieser/Schneider mid. Letztings hod da Buchwieser-Martin an Wasserturm aus Schoklaad gschenkt kriagt.

Der städ jetzad bei eahm dahoam rum. Zschee warad a zum Essn, da Schoklaad, sogt da Martin lachad. Und a sauwane Auszeichnung is des Geschenk ja aa. Da Buchwieser, der am Freidog gega sein Ex-Klub EHC Minga spuid, is grod Spieler des Monats bei de Adler Mannheim.

Fürn Buchwieser laafts pfundig im Adler-Leiberl. Etzad hod a zwoa Manna an seiner Seitn, mit dene er guad ko. Zum oana an Zach-Hans, der seit Neijoahr de Adler trainiert. Da Buchwieser aus Garmisch-Partenkirchn moant iwa de Trainer-Legende aus Tölz: „Da Hans is imma grod raus. Wenn wos ned basst, sogtas da.“ Aa mitm Zach seim Spuisystem kimmd a guad zrecht.

Und seit oana guadn Woch spuid da Eric Schneider wieda newa eam. De zwoa ham scho in Minga newaranand gspuid und troffa, ja geh hea maraaf! Zletzt hod da Schneider bausiert, drum suacht a no noch seina Form, sogt a.

Dieser Text stammt aus der tz-Ausgabe vom Freitag, 21.02.2014, die komplett auf Bairisch erscheint. Die Erklärung dazu lesen Sie hier, mehr Texte finden Sie auf dieser Übersichtsseite.

Am Freidog (halwa Achte aaf d’Nacht, Eishalle) mächt da Schneider natirle de Mingara a wengal dratzn: „I winsch eana as Beste – awa erst noch Freidog.“ Mit de wenga Leid, de ea no vom EHC kennd, bassd ois, sogd a, aa wenn da EHC – kurz vor da Gant wara – de Vertragsauflösung mit „gsundheitlichn Problemen“ beim Schneider begrint ghabt hod. Der awa sogd, eam sei domois, „nachara frustrierndn Saison“, de Lust afs Eishockey einfach vaganga gwen. „De Auszeit hob i brauchd.“ Und dass da Schneider trotz seine 36 Joa oiwei no oana vo de Bessan und Deirichn in da Liga is, woast eh. Dass er etzad in Mannheim glant is, gfreidn naarisch.

Mim Zach-Hans hod a friara scho guad zamgarwad und da Schneider findt: „Da Hans va­draud ma. Er hod gsogt, i soi ned hudln, sondan gscheid fit wean fia de Play-offs.“ Da Titel waarad drin, moand da Eric. Erst amoi mächt a awa Minga schlong. Wenn da EHC valierad, bleiwad eam nua no a Fuzerl Hoffnung auf an direktn Play-off-Blodz.

wim

Auch interessant

Meistgelesen

Deutlicher Sieg: Adler Mannheim haben gegen den EHC München keine Chance - nun liegen sie vorne
Deutlicher Sieg: Adler Mannheim haben gegen den EHC München keine Chance - nun liegen sie vorne
EC Peiting feiert Derbysieg, EA Schongau jubelt spät
EC Peiting feiert Derbysieg, EA Schongau jubelt spät

Kommentare